2026–27

२४ सप्टेंबर २०२६ - क्रीडा यश

शालेय जिल्हास्तरीय कबड्डी स्पर्धा २०२६:

M. E. S.भावे हायस्कूलची सेमी फायनलमध्ये धडक

पुणे: नेहरू स्टेडियम येथील महाराणा प्रताप क्रीडा संघ मैदानावर आयोजित शालेय

जिल्हास्तरीय कबड्डी स्पर्धा २०२६ मध्ये M. E. S.भावे हायस्कूलच्या संघाने दैदिप्यमान कामगिरी बजावली आहे. अंडर-१७ (१७ वर्षांखालील) वयोगटातील अत्यंत चुरशीच्या झालेल्या सामन्यात MES. भावे हायस्कूलने सिल्वर क्रेस्ट स्कूल अँड ज्युनिअर कॉलेज या संघावर शानदार विजय मिळवून थेट सेमी फायनल (उपांत्य फेरी) मध्ये धडक मारली आहे.खेळाडूंच्या या घवघवीत यशाबद्दल शाळेचे मुख्याध्यापक श्री. वसावे सर, उपमुख्याध्यापिका सौ. पवार मॅडम आणि पर्यवेक्षिका सौ. लिमये मॅडम यांनी सर्व विजयी खेळाडूंचे विशेष कौतुक करून त्यांना पुढील सामन्यासाठी हार्दिक शुभेच्छा दिल्या.तसेच या यशामागे शाळेचे क्रीडा शिक्षक श्री. पटले सर आणि श्री. बुधिहाळ सर यांचे मोलाचे क्रीडा मार्गदर्शन व परिश्रम लाभले. संघाच्या या यशाबद्दल संपूर्ण शाळेतून आणि क्रीडा वर्तुळातून खेळाडूंवर अभिनंदनाचा वर्षाव होत आहे.

२२ सप्टेंबर २०२६ - ‘स स... संविधानाचा’ नाटक सादरीकरण'

‘स स... संविधानाचा’ नाटक सादरीकरण'

सन २०२६–२७ या शैक्षणिक वर्षात गणेशोत्सवानिमित्त म. ए. सो. मुलांचे विद्यालय, सदाशिव पेठ, पुणे येथे शिक्षण विवेक यांच्या वतीने दिनांक २२ सप्टेंबर २०२६, मंगळवार रोजी ‘स स... संविधानाचा’ या अभ्यासक्रमावर आधारित नाटकाचे प्रभावी सादरीकरण करण्यात आले. भारतीय संविधानाची ओळख विद्यार्थ्यांना व्हावी, संविधानातील मूल्ये समजावीत तसेच जबाबदार नागरिक म्हणून विद्यार्थ्यांमध्ये सामाजिक व राष्ट्रीय जाणीव निर्माण व्हावी, हा या उपक्रमामागील प्रमुख उद्देश होता.

या नाटकाचे सूत्रधार शिक्षण विवेकच्या प्रमुख सौ. अर्चना कुर्तडकर होत्या, तर नाट्यदिग्दर्शनाची जबाबदारी श्री. देवेंद्र भिडे सर यांनी सांभाळली. विविध शाळांमध्ये या नाटकाचे आतापर्यंत १८ प्रयोग सादर करण्यात आले आहेत. नाटकातील प्रसंग, संवाद आणि अभिनयाच्या माध्यमातून संविधानाचे महत्त्व विद्यार्थ्यांसमोर प्रभावीपणे मांडण्यात आले. संविधान हे केवळ अभ्यासक्रमातील एक विषय नसून आपल्या दैनंदिन जीवनाशी, अधिकारांशी, कर्तव्यांशी आणि जबाबदार नागरिकत्वाशी निगडित असलेले महत्त्वपूर्ण मूल्य आहे, याची जाणीव विद्यार्थ्यांना झाली.

या कार्यक्रमास प्रशालेतील इयत्ता सहावी ते नववीचे विद्यार्थी उपस्थित होते. विद्यार्थ्यांनी नाटक अत्यंत उत्सुकतेने पाहिले आणि नाटकाच्या माध्यमातून संविधानातील विविध मूल्ये समजून घेतली.

यावेळी प्रशालेचे मुख्याध्यापक श्री. वसावे सर, पर्यवेक्षिका सौ. लिमये मॅडम तसेच प्रशालेतील शिक्षकवृंद उपस्थित होते. शाळेच्या वतीने शिक्षण विवेकच्या प्रमुख सौ. अर्चना कुर्तडकर, नाट्यदिग्दर्शक श्री. देवेंद्र भिडे सर आणि त्यांच्या सहकाऱ्यांचे आभार पर्यवेक्षिका सौ.लिमये मॅडम यांनी मानले.

२१ सप्टेंबर २०२६ - स्किन डोनेशन आणि ॲसिड अटॅक विषयावर व्याख्यान

स्किन डोनेशन आणि ॲसिड अटॅक विषयावर व्याख्यान

दिनांक 21 सप्टेंबर 2026 रोजी दहावीच्या विद्यार्थ्यांमध्ये सामाजिक जाणीव, संवेदनशीलता आणि जबाबदारीची भावना निर्माण व्हावी या उद्देशाने ‘स्किन डोनेशन आणि ॲसिड अटॅक’ या विषयावर विशेष गेस्ट लेक्चर आयोजित करण्यात आले.

या व्याख्यानामध्ये डॉ.सौ रोहिणी आठवले यांनी विद्यार्थ्यांना त्वचादान म्हणजे काय, त्वचादानाचे महत्त्व, त्वचादानामुळे गंभीर भाजलेल्या रुग्णांना होणारी मदत याबाबत माहिती दिली. तसेच ॲसिड हल्ल्यांमुळे होणारे शारीरिक व सामाजिक परिणाम, अशा घटनांपासून बचाव, पीडित व्यक्तींप्रती संवेदनशील व सहकार्याची भूमिका याबाबत मार्गदर्शन करण्यात आले.

विद्यार्थ्यांना त्वचादानाबाबत असलेले गैरसमज दूर करून वैज्ञानिक दृष्टिकोनातून माहिती देण्यात आली. ॲसिड हल्ल्यांसारख्या गंभीर घटनांना प्रतिबंध करण्यासाठी जागरूकता, कायद्याचा आदर, सुरक्षितता आणि सामाजिक जबाबदारी यांचे महत्त्व अधोरेखित करण्यात आले. विद्यार्थ्यांनी व्याख्यानास उत्स्फूर्त प्रतिसाद देत विविध प्रश्न विचारले.

१९ सप्टेंबर २०२६ - प्रभावी संवाद कौशल्य या विषयावर कार्यशाळा

१९ सप्टेंबर २०२६ - गणेश विसर्जन सोहळा

गणेश विसर्जन सोहळा

म. ए. सो. मुलांचे विद्यालय, पुणे येथे गणेश विसर्जन सोहळा शनिवार, दिनांक १९ सप्टेंबर २०२६ रोजी उत्साहपूर्ण आणि भक्तिमय वातावरणात पार पडला.

गणेश विसर्जनाच्या निमित्ताने प्रथम उत्तरपूजा व आरती करण्यात आली. त्यानंतर ढोल-ताशांच्या गजरात आणि वाजत-गाजत गणरायाची मिरवणूक काढण्यात आली. यावेळी विद्यार्थी, शिक्षक व शिक्षकेतर कर्मचारी यांनी मोठ्या उत्साहाने सहभाग घेतला. परिसरात “गणपती बाप्पा मोरया!” आणि “पुढच्या वर्षी लवकर या!” अशा जयघोषांनी भक्तिमय वातावरण निर्माण झाले.

शाळेच्या परिसरात पुणे महानगरपालिकेने तयार केलेल्या कृत्रिम हौदात श्री गणेशमूर्तीचे विधिवत विसर्जन करण्यात आले. पर्यावरणपूरक पद्धतीने गणेश विसर्जन करून विद्यार्थ्यांना पर्यावरण संवर्धनाचा संदेश देण्यात आला. विसर्जनानंतर उपस्थित विद्यार्थी, शिक्षक व शिक्षकेतर कर्मचारी यांना प्रसादाचे वाटप करण्यात आले. सर्वांच्या उत्स्फूर्त सहभागामुळे गणेश विसर्जन सोहळा आनंददायी, शिस्तबद्ध आणि भक्तिमय वातावरणात संपन्न झाला.

१९ सप्टेंबर २०२६ - आपत्ती व्यवस्थापन अंतर्गत आग प्रतिबंधन व्याख्यान

आपत्ती व्यवस्थापन अंतर्गत आग प्रतिबंधन व्याख्यान

दिनांक 19सप्टेंबर 2026 शनिवार रोजी प्रशालेत प्रमुख पाहुण्या कुमुदिनी ट्रस्टच्या ट्रस्टच्या प्रेसिडेंट रोहिणी आठवले, उपमुख्याध्यापिका मार्गसिद्ध्दा पवार, पर्यवेक्षिका सौ. रसिका लिमये यांच्या सन्माननीय उपस्थितीत 5वी ते 12वीच्या विद्यार्थ्यांसाठी आग प्रतिबंधन संदर्भात जागृती करणारे व्याख्यान झाले रोहिणी ताई आठवले यांनी . भाजणे म्हणजे काय पासून त्यावर प्राथमिक उपचार काय असतात. कसे करावे याबाबत बोधपर माहिती स्लाईड्स द्वारा दिली. स्वयंपाक घरातील धोके, फटाके उडवणं, उडवताना घेण्याची काळजी गरम द्रव पदार्थ, विद्युत अपघात, याबाबत सचित्र माहिती दिली. विद्यार्थ्यांशी संवाद साधत रोजच्या जीवनातील अनेक घटनांचा संदर्भ देऊन रोहिणी ताईंनी विद्यार्थ्यांना आपण काळजी कशी घेतली पाहिजे हे समजावून सांगितले त्यात मोबाईल चा वापर करताना दुर्घटना कशा घडतात? आपण फोन वापरताना ठेवण्याच्या जागेपासून चार्जिंग पर्यंत काळजी कशी घेतली पाहिजे हे सांगताना निष्काळजीपणे केलेल्या गोष्टीमुळे होणाऱ्या दुर्घटना कशा टाळता येतील हे सांगितले दक्षतेचे उपाय म्हणून आपण सावध राहण्यासाठी काय करावे काय करू नये. याबद्दल माहिती रंजकपणे दिली.आग प्रतिबंधनासाठी असणारी छोटी प्रतिज्ञा दिली. सर्वांना आग प्रतिबंधक उपाय असणारे डॉक्टर निखिल पानसे यांचे एक छोटे पुस्तक मोफत देण्यात आले. पर्यवेक्षिका सौ. रसिका लिमये यांनी प्रशालेतर्फे आभार प्रदर्शन केले.

१९ सप्टेंबर २०२६ - अथर्वशीर्ष पठण

१६ सप्टेंबर २०२६ - आरती स्पर्धा

१४ सप्टेंबर २०२६ - गणेशोत्सवानिमित्त श्री गणेश प्रतिष्ठापना सोहळ्याचे आयोजन

गणेशोत्सवानिमित्त श्री गणेश प्रतिष्ठापना सोहळ्याचे आयोजन

म. ए. सो. मुलांचे विद्यालय, पुणे येथे गणेशोत्सवानिमित्त श्री गणेश प्रतिष्ठापना सोहळ्याचे आयोजन करण्यात आले. सकाळी ८.०० वाजता ढोल-ताशांच्या गजरात श्री गणरायाचे उत्साहपूर्ण आगमन झाले. गणरायाच्या आगमनाने संपूर्ण विद्यालय परिसर भक्तिमय आणि मंगलमय वातावरणाने भारून गेला. यानंतर श्री. बागूल सर व सौ. बागूल मॅडम यांच्या हस्ते श्री गणरायाची विधिवत पूजा करण्यात आली. विशेष उल्लेखनीय बाब म्हणजे इयत्ता १० वी ‘अ’ मधील विद्यार्थी जय जोशी याने पूजेचे पौरोहित्य अत्यंत श्रद्धेने, आत्मविश्वासाने आणि शिस्तबद्ध पद्धतीने केले.

या मंगलप्रसंगी विद्यालयाचे मुख्याध्यापक श्री. वसावे सर, उपमुख्याध्यापिका श्रीमती पवार मॅडम, पर्यवेक्षिका सौ. लिमये मॅडम, सर्व शिक्षक-शिक्षिका, शिक्षकेत्तर कर्मचारी, विद्यार्थी तसेच पालक मोठ्या संख्येने उपस्थित होते. सर्वांच्या उत्स्फूर्त सहभागामुळे कार्यक्रमाला विशेष उत्साह आणि भक्तिभाव प्राप्त झाला. विद्यालयातील श्री. माळी सर यांनी केलेली आकर्षक व मनमोहक सजावट कार्यक्रमाचे विशेष आकर्षण ठरली. सजावटीमुळे गणेश प्रतिष्ठापना स्थळाचे सौंदर्य अधिकच खुलून आले. भक्तिमय वातावरण, पारंपरिक विधी आणि सर्वांचा उत्स्फूर्त सहभाग यामुळे सोहळ्याला अविस्मरणीय स्वरूप प्राप्त झाले.

अशा प्रकारे श्री गणरायाची प्रतिष्ठापना अत्यंत आनंददायी, मंगलमय व भक्तिभावपूर्ण वातावरणात संपन्न झाली.

१३ सप्टेंबर २०२६ - NCC AIR WING camp

२१ ऑगस्ट २०२६ - पर्यावरण संवर्धन,वृक्षसंवर्धन आणि जलसंधारण याबाबत विद्यार्थ्यांमध्ये जागरूकता उपक्रम

दिनांक 21 ऑगस्ट 2026 शुक्रवार रोजी पर्यावरण संवर्धन,वृक्षसंवर्धन आणि जलसंधारण याबाबत विद्यार्थ्यांमध्ये जागरूकता निर्माण करण्याच्या उद्देशाने भावे स्कूलच्या विद्यार्थ्यांच्या सहभागातून NIBM फॉरेस्ट कोंढवा, पुणे येथे वृक्षारोपण उपक्रमाचे आयोजन करण्यात आले.

या उपक्रमात एनसीसीच्या 30 विद्यार्थ्यांनी उत्स्फूर्तपणे सहभाग घेत विविध वृक्षांची रोपे लावली. विद्यार्थ्यांनी खड्डे तयार करणे, रोपांची लागवड करणे, माती भरणे व रोपांना पाणी देणे यामध्ये सक्रिय सहभाग घेतला. वृक्षांचे पर्यावरणीय महत्त्व, प्रदूषण नियंत्रण, जैवविविधतेचे संवर्धन आणि हिरवाई वाढविण्याची गरज याबाबत विद्यार्थ्यांना मार्गदर्शन करण्यात आले.या प्रसंगी शेततळ्याची संकल्पना व त्याचे महत्त्व याबाबतही विद्यार्थ्यांना माहिती देण्यात आली. पावसाचे पाणी साठवून त्याचा शेतीसाठी उपयोग करणे, पाण्याची बचत करणे, भूजलपातळी वाढविण्यास मदत करणे आणि पाण्याचे योग्य व्यवस्थापन करणे यामध्ये

वृक्षारोपणासोबतच लावलेल्या रोपांची नियमित देखभाल व संवर्धन करण्याचा संकल्प विद्यार्थ्यांनी केला. या उपक्रमामुळे विद्यार्थ्यांमध्ये वृक्षसंवर्धन, जलसंधारण, पर्यावरण संरक्षण आणि सामाजिक बांधिलकी यांविषयी जागरूकता निर्माण झाली.भावे स्कूलच्या विद्यार्थ्यांनी सहभाग घेतलेला हा उपक्रम पर्यावरण संवर्धन आणि जलसंधारणाचा संदेश देणारा तसेच विद्यार्थ्यांसाठी शैक्षणिक व प्रेरणादायी ठरला. शेवटी भावे हायस्कूलची घोषणा देण्यात आली.त्याप्रसंगी प्रशालेचे माननीय मुख्याध्यापक सायसिंग वसावे सर,ज्येष्ठ शिक्षिका सौ चौकटे मॅडम,सौ कांबळे मॅडम, श्री बाजारे सर आणि एनसीसी सेकंड ऑफिसर मंजुश्री शिंदे या सर्वांनीही वृक्षारोपण केले यामध्ये वड ,पिंपळ, सीताफळ ,चिंच ,बोर, लिंब यासारखी झाडे लावण्यात आली.NIBM ची सर्व माहिती एनआयबीएम चे सहकारी श्री किरण करनम व त्यांच्या सहकाऱ्यांनी दिली.

१५ ऑगस्ट २०२६ - प्रशालेत ८० वा स्वातंत्र्य दिन उत्साहात साजरा

म. ए. सो.मुलांचे माध्यमिक व उच्च माध्यमिक विद्यालय पुणे ,येथे ८० वा स्वातंत्र्य दिन उत्साहात साजरा करण्यात आला

सदर कार्यक्रमासाठी ठाणे जनता सहकारी बँकेचे संचालक मा. श्री. अनंत नारायण कुलकर्णी, व क्रीडा भारतीचे अखिल भारतीय कोषाध्यक्ष मा. श्री. मिलिंदजी डांगे हे प्रमुख पाहुणे म्हणून तसेच शाला समिती अध्यक्ष दिलीपजी शेठ सर, महामात्र सुधीर गाडे सर, प्रशालेतील ज्येष्ठ व सेवानिवृत्त होणारे शिक्षक श्री.भाऊसाहेब खुणे व ज्यु कॉलेजचे विभाग प्रमुख श्री देवानंद बागुल सर . या सर्व मान्यवरांच्या उपस्थित ध्वजारोहण करण्यात आले .ध्वज वंदनानंतर एन.सी.सी. विद्यार्थ्यांद्वारे पाहुण्यांना मानवंदना देण्यात आली.

मा. श्री. अनंत नारायण कुलकर्णी यांनी स्वातंत्र्याचे महत्व विशद केले. तसेच समाजाप्रती असलेले आपले उत्तरदायित्व हे छोट्या छोट्या मदतीद्वारे व उपक्रमाद्वारे पार पाडावे असे आवाहन विद्यार्थ्यांना केले. मा. श्री. मिलिंद डांगे सर यांनी 'स्वातंत्र्यदिन साजरा करण्यापेक्षा सर्वांनी हा दिवस स्मरणात ठेवला पाहिजे' असे प्रतिपादन केले. प्रशालेच्या शाला समितीचे अध्यक्ष मा.

श्री.दिलीप शेठ सरांनी पर्यावरण जागृती व प्लास्टिकचे दुष्परिणाम विशद करून उपस्थित सर्व आजी माजी विद्यार्थी शिक्षकांना स्वातंत्र्य दिनाच्या शुभेच्छा दिल्या. प्रशालेत स्वातंत्र्य दिनानिमित्त विविध स्पर्धा गटानुसार घेण्यात आल्या आणि बक्षीस पात्र विद्यार्थ्यांचे प्रमुख पाहुण्यांच्या हस्ते बक्षीस वितरण करण्यात आले.

या कार्यक्रम प्रसंगी प्रशालेचे मा. मुख्याध्यापक श्री. सायसिंग वसावे सर, उपमुख्याध्यापिका सौ.मार्गसिद्धा पवार मॅडम, पर्यवेक्षिका मा. सौ.रसिका लिमये मॅडम, म ए सो लॉ कॉलेजचे सल्लागार समितीचे अध्यक्ष ॲड.श्री.सागर नेवसे सर, लॉ कॉलेजच्या प्राचार्य मा. श्रीमती मदुश्री जोशी, प्राध्यापक, सर्व शिक्षक व शिक्षकेतर कर्मचारी तसेच आजी माजी विद्यार्थी, पालक,नागरिक मोठ्या प्रमाणावर उपस्थित होते. कार्यक्रमाचे सूत्रसंचालन प्रशालेतील ज्येष्ठ शिक्षक श्री. अनिल मस्के सर यांनी केले.

१२ ऑगस्ट २०२६ - दीप पूजन

३ ऑगस्ट २०२६ - पावनखिंड दौड व प्रेरणादायी व्याख्यानाचे प्रशालेमध्ये आयोजन

पावनखिंड दौड व प्रेरणादायी व्याख्यानाचे प्रशालेमध्ये आयोजन

म ए सो मुलांचे माध्यमिक व उच्च माध्यमिक विद्यालयात पावनखिंड दौड व प्रेरणादायी व्याख्यानाचे प्रशालेमध्ये आयोजन करण्यात आले. प्रशालेचे मा.मुख्याध्यापक श्री सायसिंग वसावे सर व पर्यवेक्षिका सौ रसिका लिमये मॅडम यांनी दौड ला हिरवा झेंडा दाखवून सुरुवात केली. सर्व एनसीसी विद्यार्थी व शिक्षक दौड करत पर्वती टेकडीवर गेले तेथील ऐतिहासिक क्षेत्राला भेट देऊन विद्यार्थ्यांनी परिसर स्वच्छ केला. त्यानंतर प्रशालेतील विद्यार्थ्यांसाठी प्रशालेमध्ये पावनखिंड दौड या विषयावर व्याख्यानाचे आयोजन करण्यात आले.प्रमुख वक्ते इतिहास अभ्यासक श्री. श्रीकांत जोशी सर हे होते सरांनी आपल्या दमदार आवाजात छत्रपती शिवाजी महाराज याचे बालपण तसेच पन्हाळा गड ते विशाळगड येथील प्रवास ,शिवरायांच्या जन्मापूर्वीची व जन्मानंतर ची पूर्ण पार्श्वभूमी त्यांनी सांगितली शिवरायांचे बालपण जिजामाता चे संस्कार स्वराज्यावर आलेल संकट, पन्हाळा गडाचा वेडा घोडखिंड, पावनखिंड बाजीप्रभू देशपांडे यांचा पराक्रम, स्वामीनिष्ठ देशप्रेम, शिवरायांची युद्धनीती दूरदृष्टी, नियोजन व्यवस्थापन इत्यादी विषयांची माहिती अगदी सोप्या शाहिरी दमदार भाषेत विद्यार्थ्यांना सांगितले विद्यार्थी मंत्रमुग्ध होऊन ऐकत होते. या प्रसंगी माननीय मुख्याध्यापक श्री सायसिंग वसावे सर, उप मुख्याध्यापिका सौ मार्गसिद्ध पवार मॅडम, पर्यवेक्षिका सौ रसिका लिमये मॅडम, यांच्या मार्गदर्शनाखाली क्रीडाशिक्षक श्री भाऊराव खुणे सर श्री पटले सर, श्री बुद्धिहाळ सर एनसीसी प्रमुख प्रमुख सौ मंजुश्री शिंदे मॅडम सहभागी झाल्या होत्या या कार्यक्रमाला सर्व शिक्षक शिक्षकेतर कर्मचारी विद्यार्थी उपस्थित होते या संपूर्ण कार्यक्रमाचे सूत्रसंचालन व आभार श्री प्रवीण दौंडकर यांनी केले.

३० जुलै २०२६ - कारगिल विजय दिवस

कारगिल विजय दिवस

26 जुलै कारगिल विजय दिवस निमित्ताने महाराष्ट्र एज्युकेशन सोसायटीच्या म.ए.सो मुलांचे विद्यालय, सौ.विमलाबाई गरवारे प्रशाला आणि रेणुका स्वरूप प्रशालेतील एनसीसी विभागातर्फे 30 जुलै 2026 रोजी कारगिल विजय दिवस व व्यसनमुक्ती परिसर जनजागृती रॅली काढण्यात आली. रॅलीत 200 कॅडेट्स 10 शिक्षक व पोलीस सहाय्यक यांचा समावेश होता.

रॅली ची सुरुवात म. ए. सो. सौ विमलाबाई गरवारे प्रशाला येथून माननीय पोलीस निरीक्षक सपना देवकाते मॅडम यांच्या हस्ते हिरवा झेंडा दाखवून झाली. रॅली अलका टॉकीज चौक टिळक रोड मार्गे म.ए.सो रेणुका स्वरूप प्रशालेत आली. म.ए.सो रेणुका स्वरूप प्रशालेत रॅलीचा समारोप कार्यक्रम घेण्यात आला. पोलीस निरीक्षक मा.सपना देवकाते विश्रामबाग विभाग पुणे यांनी "देशातील युवा पिढीने देशाला भेडसावणाऱ्या व्यसनाधीनता व सायबर क्राईम या विरोधात भारतीय नागरिक म्हणून हिरीरीने व कर्तव्याने भाग घ्यावा ". व "सक्षम विकसित भारत कसा घडेल"या विषयावर मार्गदर्शन केले.तसेच महाराष्ट्र एज्युकेशन सोसायटीचे नियमक मंडळाचे सदस्य मा. दिलीपजी शेठ सर यांनी आपल्या मनोगतात युवा पिढीसाठी "निरोगी आरोग्य तसेच भविष्यातील संधी करिअर मार्गदर्शन" या विषयावर मार्गदर्शन केले. या कार्यक्रमाच्या संकल्पनेत म. ए.सो. मुलांच्या विद्यालयाचे माजी विद्यार्थी पराग गुजराती याचा विशेष सहभाग व मार्गदर्शन होते. हद्दीतील दामिनी पथकातील दामिनींचा प्रातिनिधिक स्वरूपात याप्रसंगी सत्कार करण्यात आला. कार्यक्रमास म.ए.सो चे तिन्ही शाळांचे मुख्याध्यापक अनुक्रमे मा.सायसिंग वसावे, मा. रोहिदास भारमळ मा. शुभांगी कांबळे हे उपस्थित होते. या कार्यक्रमाचे नियोजन शाळेचे एन.सी.सी ऑफिसर्स F/O कुलकर्णी यशोदिनी, S/O सुनील जोशी, S/O मंजुश्री देशमुख यांनी केले. तर कार्यक्रमाचे सूत्रसंचालन रेणुका स्वरूप प्रशालेच्या व्यक्तिमत्व विकास विभागाच्या प्रमुख संध्या फणसळकर यांनी केले.

२९ जुलै २०२६ - गुरुपौर्णिमा कार्यक्रम उत्साहात साजरा

गुरुपौर्णिमा कार्यक्रम उत्साहात साजरा

बुधवार २९-०७-२०२६ रोजी म. ए .सो मुलांचे विद्यालय, पुणे येथे गुरुपौर्णिमा कार्यक्रम उत्साहात साजरा झाला.

सर्वप्रथम माजी विद्यार्थी, माजी शिक्षक व शालेय पदाधिकारी या मान्यवरांच्या हस्ते महर्षी व्यास ऋषींच्या प्रतिमेचे पूजन करण्यात आले. कार्यक्रमाचे प्रस्ताविक प्रशालेचे माननीय मुख्याध्यापक श्री. वसावे सर यांनी केले. आपल्या प्रास्ताविकात गुरुपौर्णिमा विषयी माहिती देण्यात आली.आणि कृतज्ञता निधी अभियानात सहभागी होण्याचे सर्वांना आवाहन केले.गुरुपौर्णिमा ते शिक्षक दिन या कालावधीत कृतज्ञता निधी हे अभियान शाळेमध्ये चालू असणार आहे. गेल्या वर्षी या अभियानातूनच शाळा विकासाची कामे, प्रयोग शाळा नूतनीकरण,भौतिक सुविधा व मैदानावरील काम पूर्ण झाल्याचे सांगितले आणि भविष्यात शाळेची करावयाची विकास कामे पूर्ण करण्यासाठी माजी विद्यार्थी, पालक , हिचिंतक व माजी शिक्षक यांचे योगदान महत्त्वाचे असल्याचे त्यांनी सांगितले.

कार्यक्रमाचे प्रमुख पाहुणे व प्रशालेचे माजी विद्यार्थी श्री.निलेश जगदीश ठक्कर उर्फ सोनू भैय्या (1994 च्या बॅचचे माजी विद्यार्थी) यांचा परिचय श्री. कदम सर यांनी करून दिला. क्रीडा क्षेत्र व विविध सामाजिक क्षेत्रात योगदान देणारे प्रमुख पाहुणे श्री. निलेश जगदीश ठक्कर यांचा शाला समिती अध्यक्ष मा.शेठ सर यांच्या हस्ते शाल, श्रीफळ व गुलाबपुष्प देऊन सत्कार करण्यात आला. याबरोबरच माजी मुख्याध्यापक श्री. अरनाळे सर, माजी शिक्षक श्री. थत्ते सर, श्री पी. के. कुलकर्णी सर, माजी शिक्षिका सौ. त्र्यंबके मॅडम व श्रीमती केंची मॅडम, माजी प्रयोगशाळा प्रमुख श्री.काशीद सर तसेच शाला समिती अध्यक्ष श्री.शेठ सर, प्रशालेचे मुख्याध्यापक श्री. वसावे सर, उपमुख्याध्यापिका सौ. पवार मॅडम, पर्यवेक्षिका सौ.लिमये मॅडम यांचा सत्कार प्रशालेचे माजी विद्यार्थी श्री. पराग गुजराथी, श्री. प्रभाकर कोगेकर व श्री शहा सर यांनी केला. शाळेतील सर्व शिक्षक व शिक्षकेतर कर्मचाऱ्यांचा इयत्ता पाचवी ते आठवीच्या विद्यार्थ्यांद्वारे श्रीफळ, गुलाबपुष्प, पेन देऊन सत्कार करण्यात आला. माजी शिक्षिका श्रीमती माधुरी मुळे यांच्या मनातील भाव पत्ररूपी संवादाने प्रशालेच्या पर्यवेक्षिका सौ.लिमये मॅडम यांनी मांडले .

गुरु पौर्णिमेच्या कार्यक्रमासाठी प्रमुख पाहुणे म्हणून लाभलेले प्रशालाचे माजी विद्यार्थी श्री. निलेश जगदीश ठक्कर यांनी आपल्या मनोगताद्वारे माजी शिक्षक व त्यांच्या प्रती असणारा आदरभाव व्यक्त करून विविध उदाहरणाद्वारे काही आठवणींना उजाळा दिला. चांगल्या सवयी, व्यायाम, कबड्डी व बॉक्सिंग या खेळांचे व शिस्त पालनाचे महत्त्वही सांगितले. शाळेतील खेळासाठी आवश्यक अशी साधने उपलब्ध करून देण्याचे आश्वासनही त्यांनी दिले. शाळा समिती अध्यक्ष श्री. शेठ सर यांनी आपण मराठी माध्यमातून शिक्षण घेत आहोत, त्याचा अभिमान बाळगावा व कौशल्य विकासाचा वापर ध्येय साध्य करण्यासाठी करावा असे मत मांडले. या कार्यक्रमासाठी प्रशालेचे मुख्याध्यापक श्री. वसावे सर, उपमुख्याध्यापिका सौ. पवार मॅडम, पर्यवेक्षिका सौ. लिमये मॅडम हे शालेय पदाधिकारी व सर्व शिक्षक व शिक्षकेतर कर्मचारी उपस्थित होते.या कार्यक्रमाचे सूत्रसंचालन व आभार प्रदर्शन प्रशालेतील शिक्षिका सौ. दिपाली बधे मॅडम यांनी केले.

२६ जुलै २०२६ - कारगिल विजय दिवस

कारगिल विजय दिवस

पोलीस निरीक्षक मा.सपना देवकाते विश्रामबाग विभाग पुणे यांनी "देशातील युवा पिढीने देशाला भेडसावणाऱ्या व्यसनाधीनता व सायबर क्राईम या विरोधात भारतीय नागरिक म्हणून हिरीरीने व कर्तव्याने भाग घ्यावा ". व "सक्षम विकसित भारत कसा घडेल"या विषयावर मार्गदर्शन केले.तसेच महाराष्ट्र एज्युकेशन सोसायटीचे नियमक मंडळाचे सदस्य मा. दिलीपजी शेठ सर यांनी आपल्या मनोगतात युवा पिढीसाठी "निरोगी आरोग्य तसेच भविष्यातील संधी करिअर मार्गदर्शन" या विषयावर मार्गदर्शन केले.

या कार्यक्रमाच्या संकल्पनेत

म. ए.सो. मुलांच्या विद्यालयाचे माजी विद्यार्थी पराग गुजराती याचा विशेष सहभाग व मार्गदर्शन होते. हद्दीतील दामिनी पथकातील दामिनींचा प्रातिनिधिक स्वरूपात याप्रसंगी सत्कार करण्यात आला. कार्यक्रमास म.ए.सो चे तिन्ही शाळांचे मुख्याध्यापक अनुक्रमे मा.सायसिंग वसावे, मा. रोहिदास भारमळ मा. शुभांगी कांबळे हे उपस्थित होते.

या कार्यक्रमाचे नियोजन शाळेचे एन.सी.सी ऑफिसर्स F/O कुलकर्णी यशोदिनी, S/O सुनील जोशी S/O मंजुश्री देशमुख यांनी केले. तर कार्यक्रमाचे सूत्रसंचालन रेणुका स्वरूप प्रशालेच्या व्यक्तिमत्व विकास विभागाच्या प्रमुख संध्या फणसळकर यांनी केले.

२४ जुलै २०२५ - इयत्ता 10 वी, 12वी गुणगौरव समारंभ उत्साहात साजरा

इयत्ता 10 वी, 12वी गुणगौरव समारंभ उत्साहात साजरा

म.ए.सो.मुलांचे माध्यमिक व उच्च माध्यमिक विद्यालय पुणे येथे इयत्ता 10 वी, 12वी गुणगौरव समारंभ उत्साहात साजरा

शुक्रवार दिनांक 24 जुलै 2026 रोजी म ए सो मुलांचे माध्यमिक व उच्च माध्यमिक विद्यालयात इयत्ता 10वी 12वी तील गुणवंत विद्यार्थ्यांचा गुणगौरव समारंभ आयोजित करण्यात आला.याप्रसंगी प्रमुख पाहुणे मा.श्री.प्रसेनजीत फडणवीस व पुणे जिल्हा क्रीडा अधिकारी मा.श्री. जगन्नाथ लकडे, शाळा समितीचे महामात्र मा.श्री.सुधीर गाडे व शाळेचे सर्व पदाधिकारी यांच्या उपस्थितीत कार्यक्रमाची सुरवात सरस्वती पूजनाने झाली. प्रशालेचे जेष्ठ शिक्षक श्री अनिल मस्के यांनी पाहुण्यांचा परिचय करून दिला. शाला समितीचे महामात्र श्री. सुधीरजी गाडे यांच्या हस्ते शाल व विद्यार्थ्यांनी तयार केलेले पर्यावरण पूरक पुष्पगुच्छ,पुस्तक देऊन पाहुण्यांचे स्वागत करण्यात आले. प्रास्ताविकातून मा. मुख्याध्यापक श्री. सायसिंग वसावे यांनी शैक्षणिक वर्ष 2025- 26 च्या दहावी बारावीच्या परीक्षेतील उज्ज्वल यशाचा उल्लेख करीत हा गुणगौरव सोहळा आगामी यशस्वी वाटचालीसाठी ऊर्जा, प्रोत्साहन व शुभेच्छा देण्यासाठी असल्याचे कार्यक्रमाचा उद्देश व्यक्त केला. इयत्ता दहावी,बारावीत प्रथम आलेले विद्यार्थी तसेच 80% च्या वर गुण मिळवणाऱ्या विद्यार्थ्यांचा सत्कार प्रमुख पाहुण्यांच्या हस्ते सन्मानचिन्ह व पेढे देऊन करण्यात आला. इयत्ता दहावी व बारावीतील विद्यार्थ्यांपैकी प्रातिनिधिक स्वरूपात दहावीतील चैतन्य शिंदे, चैतन्य हगवणे, कर्णबधिर युनिटचा श्रेयस शिंदे यांनी आपल्या मनोगतातून शाळेबद्दलचे ऋण व्यक्त केले.बारावीतील भावेश ढोले यांनी शिक्षक,शाळेबद्दलचे प्रेम,आभार व्यक्त करताना शाळेचे प्रयत्न व शाळेची शिस्त आणि मार्गदर्शन वर्ग यांचा त्याच्या यशातील योगदानाचा उल्लेख केला.याप्रसंगी प्रमुख पाहुणे प्रसेनजीत फडणवीस यांनी परदेशी भाषा व कौशल्य शिक्षणाचे महत्त्व जाणून ,कोणतीही एक परकीय भाषा शिका तसेच कोणतेही कौशल्य अवश्य अवगत करा असे सांगितले. दुसरे प्रमुख पाहुणे श्री जगन्नाथ लकडे यांनी खेळ हा जीवनाचा अविभाज्य भाग असून काळाची गरज असून खेळामध्ये देखील करिअर करता येते असे आवर्जून सांगितले. योग करा असा संदेशही त्यांनी आपल्या वक्तव्यातून दिला. प्रशालेचे शाला समितीचे महामात्र श्री सुधीर गाडे यांनी आपल्या अध्यक्षीय मनोगतातून जे करताय ते आवडीने करा तसेच आवडीच्या क्षेत्रातही उत्तम कार्य करा. स्वप्ने पहा व ती पूर्ण करण्यासाठी मेहनत घ्या असा संदेश आपल्या मनोगतातून दिला.

कार्यक्रमासाठी उपमुख्याध्यापिका श्रीमती मार्गसिद्धा पवार, पर्यवेक्षिका सौ. रसिका लिमये यांसह सर्व शिक्षक व शिक्षकेतर कर्मचारी वर्ग, दहावी बारावीचे विद्यार्थी ,पालकांसह उपस्थित होते. कार्यक्रमाचे सूत्रसंचलन व आभार सौ सुषमा बोरा यांनी केले. आणि बक्षीस पात्र विद्यार्थी यादी वाचन सौ स्वाती हावळे यांनी केले.

२३ जुलै २०२६ - आषाढी एकादशी पालखी सोहळा

आषाढी एकादशी पालखी सोहळा

आज दिनांक 23 जुलै 2026 गुरुवार रोजी आषाढी एकादशीनिमित्त प्रशालेमध्ये पालखी सोहळ्याचे आयोजन करण्यात आले होते.सर्वप्रथम प्रशालेचे माननीय मुख्याध्यापक श्री वसावे सर,माननीय उपमुख्याध्यापिका सौ पवार मॅडम ,माननीय पर्यवेक्षिका सौ लिमये मॅडम यांनी संत ज्ञानेश्वर यांच्या प्रतिमेचे व पालखीचे पूजन करून कार्यक्रमाला सुरुवात केली.

त्याचबरोबर इ 8 वी अ मधील रुद्र गंदुरकर या विद्यार्थ्याने लोकमान्य टिळक यांच्या जयंतीनिमित्त त्यांच्या जीवन कार्याविषयी माहिती सांगितली तसेच इ 8 वी अ मधील प्रग्यान कळमकर याने आषाढी एकादशी ची माहिती सांगितली.पालखी सोहळ्याच्या निमित्ताने इयत्ता पाचवी ते सातवी मधील विद्यार्थ्यांनी विठ्ठल,रुक्मिणी,संत नामदेव,संत तुकाराम,संत मुक्ताबाई,संत ज्ञानेश्वर यासारख्या महान संतांच्या वेशभूषा परिधान करून आपला सहभाग नोंदविला.

श्री.विठ्ठल व रुख्मिणी,संत ज्ञानेश्वर,संत तुकाराम,संत मुक्ताबाई, संत निवृत्तीनाथ,संत सोपानदेव,संत तुकाराम,संत एकनाथ

हे सर्व विद्यार्थी इयत्ता सातवी ब मधील होते.प्रार्थना चौक परिसरात पालखी सोहळ्याचे रिंगण आखून त्यामध्ये विद्यार्थ्यांचा सहभाग मोठ्या प्रमाणावर होता.याच रिंगणाच्या मध्यभागी पालखीचे पूजन करून रिंगण सोहळ्याला सुरुवात झाली.विठ्ठल.. विठ्ठल ...नामामध्ये संपूर्ण शाळेतील वातावरण भक्तीमय झाले.प्रशालेच्या आवारात पालखी मार्ग निश्चित करून मिरवणूक काढण्यात आली.

या कार्यक्रमाचे सूत्रसंचालन प्रशालेतील ज्येष्ठ शिक्षिका श्रीमती खाडे मॅडम यांनी केले.याप्रसंगी प्रशालेतील सर्व शिक्षक,शिक्षकेतर कर्मचारी मोठ्या उत्साहाने सहभागी होते.

२२ जुलै २०२६ - शिक्षण संवाद या कार्यशाळा मुंबई येथे प्रशालेचा सहभाग

22 जुलै 2026 बुधवार रोजी मननीय शालेय शिक्षण मंत्री यांच्या अध्यक्षतेखाली शिक्षण संवाद या कार्यशाळेचे मुंबई येथे आयोजन करण्यात आले होते.यासाठी राणी लक्ष्मीबाई सैनिकी शाळेचे एअर विंग कमांडंट यज्ञरमन सर आणि म. ए. सो. मुलांचे विद्यालय मधील सेकंड ऑफिसर मंजुश्री शिंदे उपस्थित होते. या कार्यशाळेत एकूण 6 सत्रे होती त्यापैकी शालेय स्तरावर सैनिकी शिक्षणाची प्रभावी अंमलबजावणी या विषयावर एअर विंग कमांडंट यज्ञरमन यांनी व्याख्यान दिले आणि त्यात NCC चे महत्व आणि सैनिकी शिक्षण याचे महत्व सर्वांना समजून दिले.आणि शालेय स्तरावर राणी लक्ष्मीबाई आत्मरक्षा अभियानाची प्रभावी अंमलबजावणी या विषयाच्या सत्रासाठी सेकंड ऑफिसर मंजुश्री शिंदे यांनी सूत्रसंचालन केले.या कार्यशाळेसाठी माननीय शालेय शिक्षण मंत्री श्री. दादाजी भुसे साहेब, शिक्षण आयुक्त माननीय सचिंद्र सिंह आणि इतर मान्यवर उपस्थित होते.

२० जुलै २०२६ - संत सप्ताह या उपक्रमाला सुरुवात

दिनांक 20 जुलै 2026 सोमवार रोजी संत सप्ताह निमित्त प्रशालेमध्ये विविध संतांचे पूजन व जीवन कार्याची माहिती या उपक्रमाला सुरुवात झाली. सुरुवातीला प्रशालेच्या माननीय पर्यवेक्षिका सौ लिमये मॅडम यांनी संत सप्ताह निमित्त संतांचे कार्य तसेच त्यांनी समाजासाठी दिलेले योगदान यावर अतिशय अभ्यासपूर्ण असे मार्गदर्शन करणारे प्रास्ताविक केले. त्यानंतर इयत्ता सातवी ब मधील विद्यार्थी विराज जाधव याने संत मुक्ताबाई यांच्या जीवन कार्याविषयी माहिती सांगितली त्याचबरोबर इयत्ता नववी ब मधील विद्यार्थी सवाई लिंबोरे याने देखील संत ज्ञानेश्वर यांच्या जीवन कार्याविषयी माहिती सांगितली. या उपक्रमांतर्गत ज्या विद्यार्थ्यांनी सहभाग घेतला होता त्या विद्यार्थ्यांचे कौतुक प्रशालेच्या माननीय उपमुख्याध्यापिका सौ पवार मॅडम,माननीय प्रवेशिका सौ लिमये मॅडम यांनी विद्यार्थ्यांना पेन भेट देऊन मनःपूर्वक कौतुक केले.

१६ जुलै २०२६ - इयत्ता ५ वी अ,ब तील विद्यार्थ्यांसाठी श्री. संभव मुथा यांचे " Speaking dogs" या विषयावर सादरीकरण

दि. १६ जुलै २०२६ गुरूवार रोजी आपल्या प्रशालेत इयत्ता ५ वी अ,ब तील विद्यार्थ्यांसाठी श्री. संभव मुथा यांनी " Speaking dogs" या विषयावर अत्यंत प्रभावी व ज्ञानवर्धक सादरीकरण केले.

त्यांनी विद्यार्थ्यांना कुत्र्यांशी मैत्री कशी करायची? किंवा त्यांची भिती वाटत असेल तर त्यांची भाषा शिकणं खूप आवश्यक आहे हे विद्यार्थ्यांना समजावून सांगीतले.प्राण्यांना आपण मारू शकत नाही.

भारतीय संविधानानूसार (आर्टिकल 51 A)जंगली प्राण्यांना आपण पाळीव म्हणून घरात ठेऊ शकत नाही .तसेच कुत्र्याच्या शेपटीच्या हालचालींवरून त्यांचे भाव कसे समजून घ्यायचे हे सांगितले.

आपल्या घरात किंवा आजूबाजूला जर असे प्राणी,पक्षी असतील तर रेस्क्यू नंबर वर कॅाल करावा असे आवाहन केले.

सादरीकरणादरम्यान विद्यार्थ्यांनी उत्साहाने सहभाग घेतला, विविध प्रश्न विचारले आणि आपल्या शंकांचे निरसन करून घेतले.

या कार्यक्रमाचे स्वागत सौ.नांगरे मॅडम यांनी केले.

१६ जुलै २०२६ - पीडस पीपल (Peedus People) NGO यांच्या वतीने विद्यार्थ्यांसाठी प्रबोधनपर व्याख्यानाचे आयोजन

आज दिनांक १६ जुलै २०२६, गुरुवार रोजी पीडस पीपल (Peedus People) NGO यांच्या वतीने म. ए. सो. मुलांचे हायस्कूल येथे विद्यार्थ्यांसाठी प्रबोधनपर व्याख्यानाचे आयोजन करण्यात आले.

या कार्यक्रमात पूजा अग्रवाल यांनी मार्गदर्शन केले. त्यांनी विद्यार्थ्यांना कुत्र्यांशी मैत्री कशी करावी, त्यांच्याशी सुरक्षितपणे कसे वागावे, कुत्र्यांची काळजी कशी घ्यावी, तसेच कुत्र्यांबद्दल भीती वाटत असल्यास योग्य प्रकारे कशी प्रतिक्रिया द्यावी याबाबत सविस्तर माहिती दिली. याशिवाय, कुत्रा चावल्यास तात्काळ कोणती काळजी घ्यावी आणि कोणते प्रथमोपचार करावेत याबाबतही त्यांनी विद्यार्थ्यांना महत्त्वाचे मार्गदर्शन केले.

तसेच, प्राण्यांच्या संरक्षणासाठी असलेल्या Animal Welfare Laws (प्राणी कल्याण कायदे) यांची माहिती देऊन प्राण्यांप्रती संवेदनशीलता आणि जबाबदारीची जाणीव विद्यार्थ्यांमध्ये निर्माण केली. संपूर्ण सत्र अतिशय उत्साही, संवादात्मक आणि हसत-खेळत पार पडले. विद्यार्थ्यांचा सहभाग वाढावा यासाठी पूजा मॅडम यांनी एक-दोन छोटे खेळही घेतले. विद्यार्थ्यांनी या खेळांचा मनमुराद आनंद घेतला आणि संपूर्ण सत्रात उत्स्फूर्त सहभाग नोंदविला. हा कार्यक्रम विद्यार्थ्यांसाठी अत्यंत माहितीपूर्ण, प्रेरणादायी आणि उपयुक्त ठरला. प्राण्यांप्रती प्रेम, सहानुभूती, सुरक्षितता आणि जबाबदारी यांविषयी विद्यार्थ्यांमध्ये सकारात्मक दृष्टिकोन निर्माण करण्यास या व्याख्यानाची मोलाची मदत झाली.

११ जुलै २०२६- रोबोटिक्स आणि कृत्रिम बुद्धिमत्ता (Artificial Intelligence)" या विषयावर ज्ञानवर्धक सादरीकरण

दि. ११ जुलै २०२६ शनिवार रोजी आपल्या प्रशालेत इयत्ता आठवी अ,ब तील विद्यार्थ्यांसाठी श्री. राहुल पानट सर व शमिता पानट यांनी " रोबोटिक्स आणि कृत्रिम बुद्धिमत्ता (Artificial Intelligence)" या विषयावर अत्यंत प्रभावी व ज्ञानवर्धक सादरीकरण केले. त्यांनी विद्यार्थ्यांना आधुनिक तंत्रज्ञानाची ओळख करून देत विषय सोप्या भाषेत आणि आकर्षक पद्धतीने समजावून सांगितला. सादरीकरणामध्ये कृत्रिम बुद्धिमत्तेची (AI) मूलभूत संकल्पना, न्यूरल नेटवर्क्स (Neural Networks), CNN (Convolutional Neural Networks), ट्रान्सफॉर्मर्स (Transformers), एजंटिक AI (Agentic AI), रोबोटिक्समधील विविध प्रकारच्या मोटर्स तसेच AI चे फायदे, उपयोग आणि संभाव्य धोके यांची सविस्तर माहिती देण्यात आली.

विशेषतः Brushed DC Motor, Brushless DC Motor आणि Stepper Motor यांच्या कार्यपद्धती, वैशिष्ट्ये, उपयोग आणि त्यांतील फरक उदाहरणांसह स्पष्ट करण्यात आला. तसेच आधुनिक रोबोट्समध्ये मोटर्सचे महत्त्व आणि AI चा विविध क्षेत्रांतील वाढता वापर याविषयी विद्यार्थ्यांना माहिती देण्यात आली.

सादरीकरणादरम्यान विद्यार्थ्यांनी उत्साहाने सहभाग घेतला, विविध प्रश्न विचारले आणि आपल्या शंकांचे निरसन करून घेतले. या मार्गदर्शनामुळे विद्यार्थ्यांमध्ये विज्ञान, तंत्रज्ञान आणि नवोपक्रम यांविषयी उत्सुकता निर्माण झाली. शमिता पानट यांचे हे सादरीकरण विद्यार्थ्यांसाठी अत्यंत उपयुक्त, प्रेरणादायी आणि ज्ञानवर्धक ठरले. या सत्रामुळे विद्यार्थ्यांना आधुनिक तंत्रज्ञानाची ओळख तर झालीच,छ शिवाय भविष्यातील करिअरच्या नव्या संधींबाबतही प्रेरणा मिळाली.

या कार्यक्रमाचे स्वागत व आभार सौ.टपळे मॅडम यांनी मानले.

१० जुलै २०२६ - थम क्रिएटिव्ह पर्यावरण दक्षता कृती मंच "निसर्ग वारी"

९ जुलै २०२६ - निसर्ग वारी आवाहन

८ जुलै २०२६ - श्री.मन्नृप शिवछत्रपती पालखी सोहळ्यानिमित्त श्री.संदिप महेंद्र यांचे आख्यान

४ जुलै २०२६ - ई कचरा व प्लास्टिक कचरा संकलन अभियान

१ जुलै २०२६ - अध्यापक प्रबोधिनी पुष्प 1 "शिक्षक-शिक्षक सहसंबंध"

अध्यापक प्रबोधिनी पुष्प 1
विषय : "शिक्षक-शिक्षक सहसंबंध"
दिनांक: 1 जुलै 2026
वार: बुधवार
अध्यापक प्रबोधिनी तर्फे "शिक्षक-शिक्षक सहसंबंध" या विषयावर व्याख्यानाचे आयोजन करण्यात आले.
या व्याख्यानासाठी प्रमुख मार्गदर्शक म्हणून सौ. हेमा अष्टपुत्रे मॅडम होत्या.
प्रशालेचे मा.मुख्याध्यापक श्री. वसावे सर, मा.उपमुख्याध्यापिका सौ. पवार मॅडम, मा.पर्यवेक्षिका सौ. लिमये मॅडम.
रेणुका स्वरूप प्रशालेच्या मा. मुख्याध्यापिका सौ.कांबळे मॅडम, मा.पर्यवेक्षक श्री. अनासपुरे सर, रेणुका प्रशालेतील सर्व शिक्षकवृंद
भावे प्राथमिक प्रशालेतील सर्व शिक्षकवृंद
भावे हायस्कूलचे सर्व शिक्षकवृंद कार्यक्रमासाठी उपस्थित होते.
कार्यक्रमाच्या सुरुवातीला सरस्वती पूजन करण्यात आले.
कार्यक्रमाचे प्रास्ताविक भावे हायस्कूलचे मा.मुख्याध्यापक श्री. वसावे सर यांनी आपल्या प्रास्ताविकातून व्याख्यानाच्या विषयाची ओळख व महत्त्व सांगितले.
त्यानंतर हेमा अष्टपुत्रे मॅडम यांनी शिक्षक-शिक्षक सहसंबंधाचे महत्त्व अत्यंत प्रभावीपणे स्पष्ट केले. त्यांनी शिक्षकांमध्ये परस्पर विश्वास, सहकार्य, सुसंवाद, समन्वय आणि सकारात्मक कार्यसंस्कृती यांचे महत्त्व विविध उदाहरणांसह सांगितले. शाळेच्या सर्वांगीण प्रगतीसाठी शिक्षकांनी एकमेकांशी स्नेहपूर्ण व सहकार्याची भावना ठेवणे आवश्यक असल्याचे त्यांनीअधोरेखित केले.
पाहुण्याचा परिचय सौ.जोशी मॅडम यांनी केला आणि कार्यक्रमाचे सूत्रसंचालन सौ. शिंदे मॅडम यांनी केले.शेवटी उपस्थितांचे आभार मानून कार्यक्रमाची सांगता करण्यात आली.

२६ जून २०२६ - एन.सी.सी. तर्फे व्यसनमुक्ती दिन साजरा

२४ जून २०२६ - नूतनीकृत गुरुवर्य डॉ. प्र. ल. गावडे सभागृहाचे

नूतनीकृत गुरुवर्य डॉ. प्र. ल. गावडे सभागृहाचे

डॉ. राहुल कराड यांच्या हस्ते उद्घाटन

म.ए.सो. मुलांचे विद्यालय (पूर्वीची पेरुगेट भावे स्कूल) या शाळेतील नूतनीकरण केलेल्या गुरुवर्य डॉ. प्र. ल. गावडे सभागृहाचे उद्घाटन शाळेचे माजी विद्यार्थी आणि ‘एमआयटी’चे व्यवस्थापकीय विश्वस्त व कार्यकारी अध्यक्ष मा. डॉ. राहुल कराड यांच्या हस्ते आज (बुधवार, दि. २४ जून २०२६) करण्यात आले. महाराष्ट्र एज्युकेशन सोसायटीच्या नियामक मंडळाचे अध्यक्ष मा. श्री. बाबासाहेब शिंदे कार्यक्रमाच्या अध्यक्षस्थानी होते.

डॉ. राहुल कराड यांनी दिलेल्या भरघोस देणगीतून सभागृहात व्यासपीठ रचना, आधुनिक ध्वनियंत्रणा, दृकश्राव्य तसेच वातानुकुलन व्यवस्था निर्माण करण्यात आली आहे.

या प्रसंगी मएसो च्या नियामक मंडळाचे सदस्य व शाला समितीचे अध्यक्ष डॉ. दिलीप शेठ, एमआयटी वर्ल्ड पीस युनिव्हर्सिटीचे कुलगुरु डॉ. आर. एस. चिटणीस, ज्येष्ठ शास्त्रज्ञ डॉ. अशोक जोशी, शाळेचे महामात्र श्री. सुधीर गाडे, संस्थेचे सचिव डॉ. अतुल कुलकर्णी, म.ए.सो. मुलांचे विद्यालयाचे मुख्याध्यापक श्री. सायसिंग वसावे व्यासपीठावर उपस्थित होते.

यावेळी बोलताना डॉ. कराड म्हणाले, “ देशात मोठ्या संख्येने आज शैक्षणिक संस्था उभ्या राहिल्या असल्यातरी शिक्षणाच्या क्षेत्रात पुण्याचे स्थान अबाधित आहे. पुण्याचा शैक्षणिक, सांस्कृतिक, वैचारिक पाया भक्कम आहे. पुण्यातील शिक्षण संस्था वैशिष्ट्यपूर्ण आहेत, प्रत्येकाची वेगवेगळी बलस्थाने आहेत. त्यामुळे पुण्यातील शिक्षण संस्थांनी सहयोगात्मक स्पर्धा केली पाहिजे, त्यामुळे विद्यार्थ्यांमध्ये अनेक विषयांची जाण निर्माण होईल आणि त्यांची सृजनशीलता, रचनात्मक मानसिकता जोपासता येईल.”

मा. श्री. बाबासाहेब शिंदे आपल्या अध्यक्षीय भाषणात म्हणाले, “महाराष्ट्र एज्युकेशन सोसायटी ही स्वातंत्र्यपूर्व काळात भारतीयांनी सुरु केलेली आणि १६५ वर्षांनी देखील अखंडपणे कार्यरत असलेली एकमेव शिक्षण संस्था आहे. इंग्रजी माध्यमाच्या शाळांच्या रेट्यात संस्थेने मराठी माध्यमाच्या शाळा टिकवून ठेवल्या आहेत. त्यामुळेच समाजातील आर्थिकदृष्ट्या दुर्बल स्तरातील मुलांना देखील शिक्षण मिळत आहे. या विद्यार्थ्यांना कौशल्याधारित प्रशिक्षण देण्याची आवश्यकता आहे. संस्थेचे शिक्षक आणि माजी विद्यार्थी हाच संस्थेचा आधार आहे. माजी विद्यार्थी असलेल्या डॉ. राहुल कराड यांच्या उत्स्फूर्त सहकार्यामुळेच शाळेतील सभागृहाच्या नूतनीकरणाचे काम झाले आहे. त्याबद्दल मी त्यांचे आभार मानतो. शिक्षण संस्थांनी परस्पर सहकार्याने काम करण्याचा विचार डॉ. कराड यांनी मांडला आहे. महाराष्ट्र एज्युकेशन सोसायटी यासंदर्भात निश्चितच एम.आय.टी. शी सहकार्य करेल.”

कार्यक्रमाच्या प्रारंभी डॉ. दिलीप शेठ यांनी प्रास्ताविक केले. ते म्हणाले की, संस्थेने कृतज्ञता निधीसाठी केलेल्या आवाहनाला संस्थेच्या माजी विद्यार्थ्यांनी उत्स्फूर्त प्रतिसाद दिला. त्यामाध्यमातून गेल्या तीन-चार वर्षात सुमारे तीन कोटी रुपयांचा निधी उभा राहिला. माजी विद्यार्थी आपल्या शाळेसाठी काय करू शकतो? हे प्रत्यक्ष अनुभवाला आले आहे. याशिवाय विविध बॅचच्या माजी विद्यार्थ्यांनी एकत्र येऊन शाळेतील पायाभूत सुविधांमध्ये सुधारणा केल्या आणि भर देखील घातली आहे. शाळेच्या इमारतीची डागडुजी व रंगकाम, प्रयोगशाळा अद्ययावत करणे, स्वच्छतागृहातील सुधारणा, मैदानावर आधुनिक प्रकाशयोजना अशी विविध कामे माजी विद्यार्थ्यांच्या माध्यमातून झाली आहेत. त्याचबरोबर माजी शिक्षकवर्गाचे मार्गदर्शन मिळते आहे. विशेष म्हणजे प्रदीर्घ काळानंतर शाळेचा इ. १० वी च्या परीक्षेचा १००% निकाल लागला आहे. कौशल्यांचे बदलते स्वरुप लक्षात घेऊन विद्यार्थ्यांना प्रशिक्षण देण्यात येत आहे. म.ए.सो. मुलांचे विद्यालय ही संस्थेची फ्लॅगशीप शाखा आहे. नजिकच्या भविष्यात शाळा चांगल्या स्वरुपात सर्वांसमोर येईल. शाळेतील शिक्षकवर्ग त्यासाठी प्रयत्नशील आहे.

संस्थेच्या नियामक मंडळाचे आणि आजीव सदस्य मंडळाचे सदस्य, संस्थेचे मुख्य कार्यकारी अधिकारी श्री. सचिन आंबर्डेकर या प्रसंगी उपस्थित होते.

मुख्याध्यापक श्री. वसावे यांनी आभार प्रदर्शन केले.

२१ जून २०२६ - आंतरराष्ट्रीय योग दिन साजरा

आंतरराष्ट्रीय योग दिन साजरा

21जून आंतरराष्ट्रीय योग दिनानिमित्त म.ए. सो.मुलांचे माध्यमिक व उच्च माध्यमिक विद्यालय,भावे हायस्कूल येथे प्रशालेच्या भव्य मैदानावर उत्साही वातावरणात योग दिन साजरा करण्यात आला या निमित्ताने विविध योग प्रात्यक्षिके , सूक्ष्म व्यायाम,

सूर्यनमस्कार', पद्मासन, प्राणायाम, पर्वतासन, वृक्षासन, ताडासन, त्रिकोणासन, बटरफ्लाय, इत्यादी योग प्रात्यक्षिके योग शिक्षिका सौ अनुराधा धनावडे मॅडम व त्यांच्या टीमने उपस्थित सर्व विद्यार्थी, शिक्षक, पालक यांच्या कडून प्रत्यक्ष प्रात्यक्षिके करून घेतली..एकूण 1100 विद्यार्थी सहभागी झाले होते.यावेळी शाला समितीचे अध्यक्ष मा.श्री दिलीप शेठ सर, मा.मुख्याध्यापक श्री सायसिंग वसावे सर, मा.उपमुख्याध्यापिका मा.सौ मार्गसिद्धा पवार, मा.पर्यवेक्षिका सौ रसिका लिमये, सर्व शिक्षकवृंद,शिक्षकेतर कर्मचारी व पालक सहभागी झाले होते. कार्यक्रमाचे प्रस्ताविक श्री देवानंद बागुल सर यांनी केले. शाळा समितीचे अध्यक्ष श्री दिलीप शेठ सर यांनी विद्यार्थ्यांना अध्यात्म आणि योगासने यांचे शालेय जीवनातील महत्त्व सांगितले. तसेच प्रशालेतील शिक्षिका सौ मंजुश्री शिंदे यांनी आपल्या जीवनातील योगाचे महत्त्व सांगितले. या कार्यक्रमाचे सूत्रसंचालन क्रीडा शिक्षक भाऊसाहेब खुणे सर यांनी केले. शेवटी कार्यक्रमाचे श्री पारवे सर यांनी सर्वांचे आभार मानले.

१७ जून २०२६ - राजमाता जिजाऊ पुण्यतिथी व राणी लक्ष्मीबाई झाशीची राणी पुण्यतिथी

१५ जून २०२६ - म.ए. सो. मुलांचे विद्यालय येथे शाळा प्रवेशोत्सव थाटात साजरा

म.ए. सो. मुलांचे विद्यालय येथे शाळा प्रवेशोत्सव थाटात साजरा

15 जून सोमवार 2026 रोजी प्रसिध्द खो खो पटू शिरीष राणे, ,1976च्या बॅचचे माजी विद्यार्थी विजय भोर, माजी विद्यार्थी चार्टर्ड अकाउंटंट मा.राजेंद्र गुजराथी,शालासमिती अध्यक्ष मा. दिलीपजी शेठ सर,महामात्र मा.सुधीर गाडे सर, मा. मुख्याध्यापक सायसिंग वसावे, उपमुख्याध्यापिका मार्गसिद्धा पवार मॅडम,पर्यवेक्षिका रसिका लिमये मॅडम , श्री बागूल सर यांच्या प्रमुख उपस्थितीत शाळा प्रवेशोत्सव उत्साहात साजरा करण्यात आला. शाळेत प्रवेश करतानाच विद्यार्थ्यांना पारंपरिक भारतीय पद्धतीने शाळेतील शिक्षकांनी औक्षण करून, फुलांची उधळण केली.खडीसाखर वाटण्यात आली.

प्रत्यक्ष परिपाठात पर्यवेक्षिका सौ.रसिका लिमये यांनी विद्यार्थ्यांचे व जमलेल्या सर्व पालकांचे स्वागत केले.त्यांना कार्यक्रमाचा उद्देश, शालेय नियम सांगितले. माननीय मुख्याध्यापक श्री.सायसिंग वसावे यांनी कार्यक्रमाच्या प्रास्ताविकातून सर्वांना नवीन शैक्षणिक वर्षासाठी शुभेच्छा दिल्या. प्रशालेचे शाला समितीचे अध्यक्ष श्री. दिलीप जी शेठ यांनी विद्यार्थ्यांना संबोधित करताना विद्यार्थ्यांनी गुणवत्ता वाढवावी कौशल्यात वाढ करावी असा संदेश दिला. शाळा मातेस न विसरता शाळेतील माजी विद्यार्थ्यांनी प्रशालेसाठी 1976 सालच्या वर्तमानपत्रात शालेय गुणवत्तेची बातमी छापली गेली होती.त्याची फोटो फ्रेम प्रशालेस भेट दिली,त्याबद्दल त्यांचे आभार मानले.त्यानंतर प्रमुख पाहुण्यांच्या हस्ते इयत्ता पाचवी ते आठवीच्या विद्यार्थ्यांना पाठ्यपुस्तकांचे वाटप करण्यात आले.

कार्यक्रमास सर्व शिक्षक व शिक्षकेतर कर्मचाऱ्यांसह बहुसंख्य पालकांची ही उपस्थिती होती.यानंतर नवीन प्रवेश घेतलेल्या सर्व विद्यार्थ्यांना सभागृहात प्रशालेची सर्व माहिती देण्यात आली त्याचबरोबर प्रशालेत त्यांचे स्वागत करण्यासाठी त्यांच्या बोटांचे ठसे उपस्थिती प्रित्यर्थ घेण्यात आले. नवीन विद्यार्थ्यांसाठी कठपुतली नाट्य सादर करण्यात आले. त्यानंतर विद्यार्थी शाळेत रमले.

१३ जून २०२६ - संकल्प दिन

"संकल्प दिन"

दिनांक - १३ जून २०२६, शनिवार

पदाधिकारी - प्रशालेचे अध्यक्ष श्री.दिलीप जी शेठ सर प्रशालेचे महामात्र श्री. सुधीर गाडे सर मुख्याध्यापक श्री वसावे सर उपमुख्याध्यापिका श्रीमती.पवार मॅडम, पर्यवेक्षिका श्रीमती. लिमये मॅडम

महिना प्रमुख - श्री बागुल सर, श्री खुणे सर, श्रीमती सातपुते मॅडम.

इतिवृत्त - म.ए.सो मुलांचे विद्यालय व उच्च माध्यमिक विद्यालय, सदाशिव पेठ, पुणे प्रशालेत संकल्प दिन साजरा करण्यात आला. मान्यवरांच्या हस्ते सरस्वती वंदना करून संकल्प दिनास प्रारंभ झाला. प्रशालेच्या उपमुख्याध्यापिका श्रीमती. पवार मॅडम यांनी कार्यक्रमाचे प्रास्ताविक केले. प्रशालेतील शिक्षिका श्रीमती. जोशी मॅडम यांनी संकल्पाचे वाचन केले. प्रशालेचे मुख्याध्यापक श्री. वसावे सर यांनी अतिशय मार्मिक शब्दात सर्व शिक्षक शिक्षकेतर कर्मचारी यांना संकल्प दिनासाठी शुभेच्छा दिल्या व मार्गदर्शनपर सूचना केल्या. प्रशालेचे अध्यक्ष श्री दिलीप शेठ सरजी यांनी शिक्षकांना नवीन शैक्षणिक वर्षाच्या शुभेच्छा दिल्या. नाविन्यपूर्ण काम करण्यासाठी मार्गदर्शनातून प्रोत्साहन दिले. सर्व शिक्षकांनी, शिक्षकेतर कर्मचारी व पदाधिकारी यांनी कल्पनेतील संकल्प कागदावर लिहिला. कार्यक्रमाचे सूत्रसंचालन व आभार सौ.सातपुते प्रमिला यांनी केले. संकल्पाचे कागद वाटप व रीतसर गोळा करणे खुणे सरांनी केले.